அன்பு… என்ன காட்சிப் பொருளா…?

[img][/img]
-
அன்பு…
என்ன காட்சிப் பொருளா…?
காட்டிக் காட்டி
இருப்பைச் சொல்ல…

நட்பு…
என்ன வாணிபப் பொருளா…?
லாப நட்டக்
கணக்குப் பார்க்க…
பொறுமை…
என்னச் சோதனைக் களமா…?
குத்திக் குத்தி
வலிமை பார்க்க…!

காதல்…
என்னக் காமத் துறையா…?
வெறுத்து ஒதுக்கித்
தூக்கி எறிய…?

உரிமை…
என்ன சுரண்டல் விதியா…?
கேட்டுக் கேட்டுப்
பிச்சை எடுக்க…?

மனிதம்…
என்ன இலவச இணைப்பா…?
ஆசை முடித்து
அதன் மேல் ஒட்ட…?

மடமை கொண்ட
மனது சொல்லட்டும்
அறிந்து கொண்டு
வாழ்வை வெல்லட்டும்…!

– நன்றி தமிழ் அலை